നിങ്ങളുടെ വീടുകളിൽ വരുമ്പോൾ 

ഇത് ഞങ്ങളുടെ വീടുകളാണ് എന്ന് പറഞ്ഞ് 

എന്നെ ഇറക്കി വിടാൻ നിങ്ങൾക്ക് കഴിഞ്ഞേക്കാം 

നിങ്ങളുടെ സ്ഥലങ്ങളിൽ കാലുകുത്തിയാൽ 

ഞങ്ങളുടേതെന്നലറി  എന്നെ 

ചവിട്ടി പുറത്താക്കാൻ നിങ്ങൾക്ക് കഴിഞ്ഞേക്കാം 

ഇത് ഞങ്ങളുടെ നാടെന്നും, രാജ്യമെന്നും,

സാമ്രാജ്യമെന്നും അവകാശപ്പെട്ട് 

എന്നെ പിച്ചിച്ചീന്തുവാൻ നിങ്ങൾക്ക് കഴിഞ്ഞേക്കാം

എങ്കിലും ഈ പ്രപഞ്ചത്തിൽ നിന്നും 

എന്നെ ഇറക്കിവിടാൻ ആർക്കും കഴിയില്ല 

ഇത്  എൻെറ അപ്പായുടെതാണ് 

അപ്പ എൻെറതാണ്

ഞാൻ  അപ്പായുടേതും