മഴ
മഴത്തുള്ളികളേ .....
നിങ്ങൾ മാത്രമായ് ഇന്നെൻ്റെ കൂടെ......
ഒരിക്കൽ ഞാൻ നിങ്ങളെ
കാണാൻ കൊതിച്ചു.
ആ മധുരനാദം കേൾക്കാൻ
ആശിച്ചു.
എല്ലാം വെടിഞ്ഞു ഞാൻ വന്നു.
മഴത്തുള്ളികളേ എൻ്റെ പ്രാണരെ
ഒടുവിൽ ഈ രാത്രിയിൽ
നമ്മൾ മാത്രമായ്......
ഈ ഏകാന്തതയിൽ നിങ്ങൾ
തിമിർത്തു പെയ്യുന്നു......
ഞാനോ, എല്ലാവരാലും ഉപേക്ഷിക്കപ്പെട്ടവനായ്
നിങ്ങളുടെ ഭ്രാന്ത നൃത്തവും
കണ്ടിരിക്കുന്നു......
സുഹൃത്തുക്കൾ, ബന്ധുക്കൾ,
വെറുംഈയ്യാം പാറ്റകൾ.
തിരി തെളിഞ്ഞ വിളക്കിലേ -
ക്കോടി യെത്തുന്നവർ.
തിരിയണഞ്ഞ വിളക്കിനെ നിഷ്ട്ടൂരമായ്
ചവിട്ടി മെതിച്ച്
അനാദത്ത്വത്തിൻ്റെ കയങ്ങളിലേക്ക്
വലിച്ചെറിയുന്നവർ.
ഓ ...... മഴത്തുള്ളികളേ....
എൻ്റെ പ്രാണരെ വരിക......
അതി കഠിനമായ ഈ ഏകാന്തതയിൽ
എൻ്റെ കണ്ണുകളെ നിങ്ങൾ നനയ്ക്കുക.....
എൻ്റെ കൈകളെ ,
എൻ്റെ കാലുകളെ ,
എൻ്റെ ഹൃദയത്തെ നിങ്ങൾ നനയ്ക്കുക......
നിങ്ങൾ മാത്രമാണെൻ്റെ
ബന്ധുക്കൾ.....
നിങ്ങൾ മാത്രമാണെൻ്റെ
സുഹൃത്തുക്കൾ.....
No comments:
Post a Comment