എൻ്റെ ഒരു നിമിഷ നേരത്തെ 

കാല്പാടുകൾ പതിയുവാനായിരിക്കാം 

യുഗയുഗങ്ങളായ് 

ഈ പാതകൾ കാത്തു കിടന്നത് ..............

എൻ്റെ ഒരു കേവല 

നോട്ടത്തിനു വേണ്ടി മാത്രമായിരുന്നിരിക്കാം

യുഗയുഗങ്ങളായ് 

ഈ വസന്തകാലങ്ങൾ 

ആവർത്തിച്ചുകൊണ്ടേയിരുന്നത് ..............

എൻ്റെ പൂക്കാലങ്ങളെ 

നനക്കുവാൻവേണ്ടി മാത്രമായിരുന്നിരിക്കാം 

വീണ്ടുമൊരു മഴക്കാലം കൂടി 

വന്നണഞ്ഞത്..............

ഈ നിമിഷം 

സമ്പൂർണ്ണമാക്കുവാൻ 

എനിക്ക് കഴിഞ്ഞിരുന്നെങ്കിൽ ........