സത്യസന്ധമായ ഒരു കണ്ണുനീർ തുള്ളിക്ക്
വിലയിടാൻ ആർക്കു കഴിയും.
ഈ പ്രപഞ്ചം മുഴുവൻ വെച്ച്
തുലാഭാരം നടത്തിയാലും
അതിനോളമെത്തില്ല.
അതിനോളം സാന്ദ്രതയുള്ള
എന്താണീ പ്രപഞ്ചത്തിലുള്ളത്
ഒന്നുമില്ല.
അതൊരു ഘരമല്ല......
ദ്രാവകമല്ല ........
വാതകമോ , പ്ലാസ്മയോ അല്ല .......
മനുഷ്യനിന്നോളം കണ്ടെത്തിയിട്ടില്ലാത്ത
മറ്റെന്തോ ആണത് .
അഗ്നിയാണോ ....? അല്ല
അഗ്നിയുടെ എരിച്ചിലടക്കാൻ നമുക്ക് കഴിയും
ഒരു കണ്ണുനീർതുള്ളിയുടെ
എരിച്ചിലടക്കാൻ
ആർക്കാണ് സാധിച്ചിട്ടുള്ളത്.....?
ഇല്ല ,
യുഗങ്ങളോളം അതെരിയുകതന്നെ ചെയ്യും
അതിനിഷ്ടമുള്ളത്രയും.
No comments:
Post a Comment